Mädchenriegetag 12. Juni 2016 in Bätterkinden

Eigentlich hei mir a däm Sunnti mit de Velo uf Bätterkinden wöue. Doch z Wätter het üs e Strich dür d`Rächnig gmacht. Mir si am Morge mit LA gstartet. D`Meitli si dert sehr guet gsi u es isch es paar Mou vorcho, dasme e Name vo eim im Lutsprächer het ghört. Siges itz vom Bäuele, vom Witsprung oder vom Chügele gsi. Am eufi simer du mit de nöie Spieu wi Turmball, Tschoukball u Unihockey gstartet. Schlächt isches nid glüfe aber o nid grad optimau. U aui truure gäng no üsem geliebte Völkerball hingerno!!! Im Seilizie isches du scho besser gange u di eutere si i Final cho. Doch leider hei si gäge di stämmige Meitli usem Eggiwil nid möge gfahre. O ir Staffette isches super glüfe u zwo Mannschafte heis i Final gschafft. Itz hets gheisse Närve bhaute. Doch o dert hei d`Närve verseit u beid Gruppene hei e Stabfähler gmacht. E nu im nöchschte Johr geits de wieder besser. Z`Wätter het nid gäng mitgspiut u es het zwüschdüre grägnet. Bir Rangverkündigung si aui gspannt gsi; hei mir doch gwüsst dases Kuhn Nöelle ufe zwöit Platz gschafft het! Bravo Nöelle!!!  Es het ono es paar angeri Meitli gha wo unger de erschte zä Räng si cho. Mir gratuliere aune ganz härzlich.

Merci a aui wo mitghufe hei u wo si cho zueluege!

 

1
Download
2
Download
3
Download
4
Download
6
Download
7
Download
 
 
Powered by Phoca Gallery